Christmas 2010 ba kami sebilik, bisi power enti dibanding enggau Christmas 2009, laban mayuh kami sebilik ulih pulai sereta ulih ngambi perimisi. Iya ulih ngempuruka semua kami sebilik berami sereta ngintu Hari Christmas begulai bebala mayuh. Ketegal nya iya mai pengingat ti besai reti ngagai kami. Kelimpah ari ti makai ngirup, iya meri peluang ngagai kami sebilik mantupka pengelengau ati sereta ngambi awak tu bekenangka pekara ke berat baik nya bekaul enggau pengawa, pengidup ruang bilik enggau pekara ti bukai. Bala sida mega ulih begulai enggau pangan diri enggau ati ti angkun sereta bebasaka pangan diri.Nya alai aku berasai gaga ati sereta besampika ngambika Christmas taun 2011 ulih rami agi baka ke taun lepas. Puas amat ati meda bala uchu, anak, menantu, ipar sama sampal datai ba rumah aku ba Lot 30. St. Christopher 95500 Debak. Puji Tuhan.
